|
Այս կայք այցելել են
70899 անգամ:
|
|
Ակտիվ հանգիստ
2007.08.02-23 - Գեղամա լիճ (Սևան) - Շորժա (ռեկորդային 21 օրյա հանգիստ վրաններով)
Եկավ ամառը և մենք նորից որոշեցինք գնալ Շորժա վրաններով հանգստանալու: Մեր կազմը նորից ավելացել էր, այս անգամ հիմնական մասնակիցներն էին` Ալիկը, Գուրգենը, Հասմիկը, Շուշանը և Սերգեյը:
Շորժա հասանք գնացքով և նախորդ տարվա նման բոլորը մնացին գնացքի կանգառում, իսկ Ալիկը և Գուրգենը գնացին դեպի ափ հարմար տեղ գտնելու նպատակով: Այս անգամ տեղավորվեցինք գյուղից մոտ 3կմ հեռու, քանի որ մեր անցյալ տարվա տեղը, լճի ջրի բարձրացման պատճառով վերածվել էր ճահճի: Իհարկե լավ է, որ Սևանի ջրի մակարդակը բարձրացնում են, սակայն համապատասխան կազմակերպությունները չեն զբաղվում ափամերձ տարածքի մաքրումով` աղբից և բուսականությունից, որի պատճառով ջրի մակադակի բարձրացումը կարող է բերել էկոլոգիական աղետի:
Ինչևիցե վերադառնանք մեր վայրի հանգստին, նոր տեղը շատ հարմար էր հանգստի համար, ափից մոտ 10 մետրի վրա կար ծառերով շրջապատված մի փոքրիկ բացատ, որտեղ և ամրացրեցինք մեր վրանները: Մեր հինգ հոգանոց խումբը ձուլվեց բնությանը և սկսեց լիարժեք հանգստանալ:
Իհարկե այս անգամ ևս բարձրացանք Արտանիշ, դա մեզ մոտ դառնում էր ավանդույթ, այս անգամ բավականին հեշտությամբ հասանք գագաթ, քանի որ ավելի էինք հմտացել և առաջինը` շարժվեցինք առավոտյան ժամը 7:00-ին, երկրորդը` ընտրեցինք ամենաօպտիմալ ուղին դեպի գագաթ: Հասնելով գագաթ մի փոքր հաց կերանք նկարահանեցինք տեսարանները և ուղեվորվեցինք հետ:
Քանի որ ամբողջ առևտուրը մենք աշխատում էինք անել Շուրժա գյուղում գործի բերումով մենք ճանաչում էինք գյուղի մեծամասնությանը` թե ով է վաճառում կաթ, թթվասեր, մածուն, ձու, կանաչի սոլյառկա, գառ, սագ, գիտեինք գյուղի տաքսիստներին և տրակտորիստներին, օգտվում էինք գյուղի խանութից և շուկայից, գիտեինք, նույնիսկ, որտեղ է ապրում գյուղի միակ բժիշկը: Օր չեր լինում, որ մենք չունենաինք, կաթ, մածուն կամ թթվասեր:
Ազատ ժամանակը օգտագործում էինք տարբեր ձևով սկսած գիրք կարդալուց մինչև այսպես ասած “գժություններ” անելը: Մեզ 2 անգամ հյուր եկան մեր ընկերները տարբեր կազմով, երկու անգամնել երեկոները անցան խորովածի, երգի, պարի և հումորի առկայությամբ: Ավելի տպավորիչ էր մեր հյուրերի երկրորդ անգամ գալը, երբ մենք նշում էինք մեր ընկերջով` Վիլենի, ծննդյան օրը: Իսկ գիշերը` մեր մյուս ընկերոջ` Ռուբենի, ավտոմեքենայի երաժշտական կենտրոնով հնչող Pink Floyd խմբի երաժշտության ներքո ուսումնասիրում էինք աստղերը…
Ալիկը այս հանգստի ժամանակ պատրաստեց հոյակապ մի սեղան, այն փայտերից, որոնք մենք հավաքել էինք և օգտագործելով պարաններ, իսկ Սերգեյը հանգստի ժամանակ շատ գիրք էր կարդում:
Մենք աշխատում էինք, որպեսզի մեր ամբողջ աշխատանքները, որոշ չափով կիսվեն հանգստացողների միջև, օրինակ եթե Հասմիկը և Շուշանը ամաններն էին լվանում ու ճաշ պատրաստում, ապա Սերգեյը գնում էր խանութ և ջուր բերելու, իսկ Գուրգենը և Ալիկը գնում էին փայտ հավաքելու կամ զբաղվում էինք վրանների ամրացումով և այլն:
Այսպես ուս ուսի տված վայելում էինք մեր հանգիստը ուղիղ 21 օր: Ռեկորդային ժամկետ, քանի որ մենք ծանոթացանք Շորժայում մի խմբի հետ, որոնք համոզում էին մեզ, որ նրանք են այս շրջանի ռեկորդակիրները և վայրի հանգստացել են 14 օր: Այնպես որ, ռեկորդակիրը այժմ մեր արշավային խումբն է` 21 օր:
Ֆոտո ռեպորտաժ
|
|
|
|
|
Չքնաղ Հայաստան
Քաղաք Շուշի, ԼՂՀ
|
|
|
|
