|
Այս կայք այցելել են
70895 անգամ:
|
|
Ակտիվ հանգիստ
2008.08.26-05 - Գեղամա լիճ (Սևան) - Շորժա
Հյուսիսային մեծ արշավից հետո մենք ցանկանում էինք լիարժեք հանգստանալ և արշավից 4 օր հետո ուղղորդվելով այդ մտքով գնացինք Շորժա, այնտեղ վրաններով հանգիստ անցկացնելու նպատակով: Այս անգամ մեր վայրի հանգստի մասնակիցների թիվը 7-ներ` Ալիկ, Գուրգեն, Հասմիկ, Վահե, Ժուլիետ, Դավո, Շաքե:
Մենք գտանք այն նույն տեղը, որտեղ մենք եղել էինք անցյալ` 2007թ., տարվա ամռանը, ոչինչ չեր փոխվել, եթե չհաշվենք, որ տարածքը ամբողջովին լցված էր աղբով: Ամրացրեցինք մեր 6 վրանները, որոնցում ընդհանուր առմամբ կարող էր տեղավորվել մոտ 18-20 հոգի առանց ուսապարկերի: Մեր վրաններից կարելի առանձնացնել խոհանոց – վրանը, որը երբ կարիք չկար այնտեղ մարդ բնակեցնելու ծառայում էր որպես սննդամթերքի և խոհանոցային սպասքի պահարան, “Գառդեռոբ” – վրան, որտեղ պահում էինք մեր ուսապարկերը:
Այդ նույն օրվա ընթացքում Ալիկը սկսեց իր ձուկ բռնելու փորձերը: Գալու նույն օրվա երեկոյան մտանք լողալու, այդպիսի մեղմ և տաք, ջուրը երբևիցե չէր եղել: Մյուս օրը որոշեցինք ամբողջ մոտակա տարածքը (մոտ 60-70 մետր երկարությամբ ափամերձ տարածք) մաքրել աղբից, ամբողջ օրը հավաքում էինք պլաստմասե շշեր, խեցգետինների բռնելու հարմարանքների մնացորդներ, տոպրակներ և այլն: Երեկոյան վառեցին մեծ կրակ որտեղ այրեցինք ամբողջ այրվող աղբը, մնացած աղբը` ապակյի շշերը և այլն, մյուս օրը դեն նետեցինք Շորժա գյուղի մոտ աղբի ամանի մեջ:
Համարյա ամեն օրվա երեկոյան մենք նստում հետաքրքիր զրույցներ էինք տանում, իսկ Գուրգենի կողմից հնչող կիթառի ձայնը անպակաս էր մեր երեկոների ժամանակ:
Մի անգամ գյուղից վերադառնալուց ճանապարհի եզրից լսեցինք ծվծվոցներ, մոտեցանք և տեսանք, որ դա շան քոթոթ է 2-3 շաբաթական, այդ պահին ճանապարհի մյուս կողմից լսվեց ևս մի ձայն, որտեղ երկրորդ քոթոթն էր, մեզ նրանք այնքան դուր եկան և այսպես ասած սրտներիս կպել էին, որ մենք նրանց վերցրեցինք մեր հանգստյան վայրը: Ճանապարհին իմացանք, որ այդ քոթոթների մորը սպանել էին մոտ մեկ շաբաթ առաջ և զգացվում էր, որ քոթոթները շատ քաղցած էին, նրանք ամեն վայրկյան փորձում էին մեր մատները բռնել` մտածելով, որ դա նրանց մայրն է: Բերելով քոթոթներին վրանների մոտ անմիջապես 2 հոգու ուղարկեցինք գյուղ կաթի ետևից, իսկ մնացածս զբաղվեցինք նրանց համար առանձնատեղ պատրաստելով:
Տեղը մեկ ժամից պատրաստ էր, բայց հողը սառներ և հարկավոր էր ինչ-որ ձևով տաքացնել այն, և Հասմիկը հերոսաբար նվիրեց իր սպորտային անդրավարտիքը քոթոթների տակը գցելու համար: Այդ օրը քոթոթները 1 լիտր կաթ կերան, և երջանիկ - երջանիկ քնեցին իրենց բնի մեջ: Այդ օրվանից հետո նրանք դարձան մեր հանգստի անբաժան մասնիկը, իսկ նրանցից մեկը` Շոկոն, դարձավ մեր արշավային խմբի անդամ :) :
Մեզ մոտ Երևանից հյուր էին պատրաստվում գալ 7-8 մեր ընկերները, որոնց պատվին մենք որոշեցինք գառ մորթել: Գնացինք Շորժա գյուղ, որտեղից մենք, իդեպ, գնում էինք մեր մթերքի մեծամասնությունը` կաթ, մածուն, թթվասեր, ձու և այլն, և գնեցինք մի սևուկ գառ: Մյուս օրը մեզ մոտ մեծ քեֆ էր: Գառան խորոված, երգ, պար, խաղեր և այլն: Հատուկ կարելի առանձնացնել, որ մեզ հաջողվեց ջրի մեջ պարել բերդ պարը 9 հոգով (6-ը ներքևում, 5-ը վերևում), նաև տարբեր խաղեր` սկսած խաղաքարտերով խաղերից և “երկար էշից” :) մինչև մաֆիա: Երեկոյան խառույկի մոտ կիթառի հնչյունների ներքո մենք անցակացրեցինք մեր ամենալավ ժամերը Շորժայում:
Հաջորդ օրը մեր ընկերները գնացին և մենք շարունակեցինք մեր առօրյա վայրի կյանքը: Շան քոթոթներին անվանեցինք Շոկո և Լեդի` Ժուլիետի առաջարկով անվանել նրանց “Շոկոլադ” անունով: Այդ տարի Շորժայում կային շատ շնագայլեր, որոնք գիշերվա գալուն պես մոտենում էին մեր վրաններին բավականին մոտիկ: Մենք որոշեցինք թակարդ պատրաստել նրանցից մեկին բռնելու համար: Ընտրեցինք այն տեղը, որտեղ գառին էինք մորթել և պատրաստեցինք մի շատ հետաքրքիր կառուցվածքի թակարդ: Իհարկե ոչ մի բան չբռնվեց, սակայն թակարդը հաջորդ գիշերն աշխատեց, իսկ մենք մեծ փորձ ձեռք բերեցինք թակարդների պատրաստելու և տեղադրելու գործում:
Այնքան շատ հետաքրքիր բաներ են տեղի ունեցել, որ շատ դժվար է տեղավորել բոլորը այս էջում: Ամփոփեմ` մենք հիասքանչ ժամանակ անցկացրեցինք, լիարժեք հանգստացանք և ունեցանք շատ բաներ հիշելու հետագայում:
Ֆոտո ռեպորտաժ
|
|
|
|
|
Չքնաղ Հայաստան
Շուշիի բերդ, ԼՂՀ, ք. Շուշի
|
|
|
|